“الحلقة الرابعة “”التواضع””
بسم الآب والابن والروح القدُس الله الواحد آمين.
أهلًا بِكم يا أحبائي 🥰👋🏻 في حلقة جديدة من سلسلة “”آية وحكاية”” وحلقة النهاردة بتتكلم عن فضيلة مهمة جدًا هي فضيلة “”التواضع””
الآية بتاعتنا النهاردة من رسالة معلمنا بولس الرسول لأهل فيلبي اصحاح 2 وآيه 3 .. بتقول كدا
لاَ شَيْئًا بِتَحَزُّبٍ أَوْ بِعُجْبٍ، بَلْ بِتَوَاضُعٍ، حَاسِبِينَ بَعْضُكُمُ الْبَعْضَ أَفْضَلَ مِنْ أَنْفُسِهِمْ.
لا شئ بتحزب ولا بعُجب، بل بتواضع، حاسبين بعضكم البعض أفضل من أنفسهم. يعني بلاش نتحزّب أحزاب جوا الكنيسة🫣⛪ .. بلاش نعمل الحاجة واحنا حاسين بإعجاب بأنفسنا ونعمل الحاجة بتواضع وكل واحد وكل مجموعة تحسب الآخرين أفضل منها ..
أقوال آباءنا الشيوخ عن فضيلة التواضع كتيرة .. انتقينا منها على سبيل المثال انه واحد من الآباء الشيوخ سُئِل إيه هو التواضع؟ فأجاب وقال إن التواضع هو عمل عظيم بل دا عمل الله نفسه .. دا عمل إلهي ❤🔥
فَ التواضع هو انك تُتعب جسدك في العمل وأن تُصدّق أنك خاطئ وان تُخضع نفسك لكل أحد
فَ الأخ اللي سأله قاله عمل عظيم طبعًا وعمل إلهي طبعًا واتعب جسدي اوكي واظن في نفسي وأؤمن إني خاطئ ماشي .. انما ازاي يعني اُخضع نفسي لكل أحد؟ .. تقصد ايه بيها؟ قاله أقصد انك متركزش على خطايا الآخرين 🙈 لكن تفكر في خطاياك أنت بس وفي نفس الوقت لا تتوقف عن الصلاة الدائمة 🛐🙏🏻
الحكاية بتاعتنا النهاردة حكاية مشهورة عن القديس أنبا مقار وهو كان عابر الطريق ومعاه مجموعة من الخوص .. وبعد كدا هجم عليه الشيطان وحب انه بمِنجل انه هو يعوّره ومقدرش
فَ راح قاله يا مقاره انت تعبتني😢 ومش عارف اغلبك خالص! .. مع ان الحاجات اللي انت بتعملها أنا بعملها واكتر .. أنت بتصوم وأنا مبآكُلش .. أنت بتسهر وأنا مبنامش .. لكن أقولك حاجة واحده أنت بتعملها .. أنا مش بعملها .. فَ الأنبا مقار قاله : ايه الحاجة دي؟ قاله انك متواضع ..
فَ راح القديس أنبا مقار رفع أيديه وشكر ربنا للسماء 🤲🏻💙
كمان فيه حكاية تانية جميلة 😍 عن القديس الأنبا سرابيون الكبير .. جاء له واحد من الرهبان الجوالين : (يقول بستان الرهبان جوالين يعني ايه؟ يعني مش عاجبه حاله قاعد يلف يمين وشمال ويروح هنا ويروح هنا) فَ راح يزور أنبا سرابيون .. فَ الأنبا سرابيون راح قاله اتفضل صلي يا أبانا .. فَ راح قاله لاا أنا غير مستحق .. قاله طيب اتفضل اقرأ لنا في الكتاب المقدس 📖 عشان نتعزى 🕊️🤍 قاله وانت موجود يا أنبا سرابيون! ازاي؟! أنا غير مستحق .. راح الأنبا سرابيون قاله طب عَندي نصيحة عايز اقولهالك .. الراهب خليه في مكانه وبلاش يلف هنا وهنا ..
راح فجأة الأخ المتواضع دا .. راح وشه نور كدا نار .. يقول البستان بقى وشه محمر زي الأسد ولم يحتمل هذة الكلمة😠
راح أنبا سرابيون قاله اعذرني 🙏🏻 يا أبي التواضع الحقيقي لاَ أن تلوم نفسك ملامة باطلة بل ان تقبل الملامة التي تأتيك من الآخرين
التواضع فضيلة عظيمة ✨ يارب علمنا ان احنا نكون متواضعين ..
وإلى لقاء في حلقة جديدة من آيه وحكاية 😍👋🏻”
