“الحلقة الخامسة “”الصليب””
بسم الآب والابن والروح القدُس الله الواحد آمين.
أهلًا بِكم يا أحبائي 🥰👋🏻 في حلقة جديدة من سلسلة “”آية وحكاية”” الحلقة بتاعتنا النهاردة عن “”الصليب”” ✝️ ✨
والآيه بتاعتنا في إنجيل يوحنا اصحاح 19 والآية 25 بيقول كده
وَكَانَتْ وَاقِفَاتٍ عِنْدَ صَلِيبِ يَسُوعَ، أُمُّهُ، وَأُخْتُ أُمِّهِ مَرْيَمُ زَوْجَةُ كِلُوبَا، وَمَرْيَمُ الْمَجْدَلِيَّةُ.
بيُحكى كدا ان أبّا إسحق كان في مرة جالس مع أبّا بيمن وكان أبّا بيمن في حالة روحية اسمها الدهش أو الذهول
فَ خد باله ال أبّا إسحق وبعدين فجأة كدا أبّا بيمن رجع تاني .. فقاله ممكن اسألك سؤال: انت عقلك كان فين الوقت اللي فات دا؟ فكرك كان فين؟💭🤔
فَ سكت كدا ال أبّا بيمن وبعدين قاله: لَكُنتْ واقفًا مع والدة الإله وهي تبكي عند صليب يسوع وكم أشتاق أن أظل هُناك ابكي مِثلَها ❤🔥❣️
رايح للصليب يتذكّر خطاياه ويقدم توبة بالدموع عنها.
قصتنا كمان قصة جميلة
أخ وأخت مش أخوات في الجسد يعني .. أخ وأخت🧑🏻🦱👩🏻🦱 اعتادوا ان هما يتقابلوا بالقرب من موضع أحد الآباء الشيوخ والشيطان كان وضع في قلبهم شهوة رديئة فَ كانوا يتفقوا مع بعض يروحوا في نفس الموعد دا بالموضع اللي بيسكن فيه الأب الشيخ دا ويتقابلوا .. في مرة ضعفوا وسقطوا في الخطية💔 وكان أول ما جُم .. حسّ بيهم هذا الأب الشيخ .. وراح على طول عمل نفسه نايم .. فَ بعد ما الأخ والأخت دول وقعوا في الخطية.. وهما ماشيين من عند الشيخ قلبهم تَوبّخ وسقطوا أمام الرب وقدموا توبة 🛐 .. كان نِفسهم يعرفوا هل الأب الشيخ دا حَسّ بِهم؟ فَ رجعوا كدا و راح الأخ دا سأله قاله : يا أبانا هل ادركت ان الشيطان قد اغوانا وسقطنا؟ فَ راح قاله بالتأكيد.
قاله طب وأنت ساعتها كنت فين؟ قاله لقد كُنت واقفًا عند صليب المسيح أبكي ✝️
اعتقد ان بكاء الأب الشيخ دا عند صليب المسيح هو السبب في توبتهم ورجوعهم❤️
ما أجمل يا أحبائي في هذا الأسبوع ❤️ أن نذهب إلى صليب المسيح لنبكي عن خطايانا ونبكي تَشفُّعًا عن توبة الآخرين 🛐✝️💟”
