“الحلقة السادسة “”الصليب””
بسم الآب والابن والروح القدُس الله الواحد آمين.
أهلًا بِكم يا أحبائي 🥰👋🏻 في حلقة جديدة من سلسلة “”آية وحكاية”” والمرة دي بردو حلقتنا عن “”الصليب”” ✝️ ✨
الآية بتاعتنا النهاردة من غلاطية6: 14
آية مشهورة وكلنا بنحبها
“”وَأَمَّا مِنْ جِهَتِي، فَحَاشَا لِي أَنْ أَفْتَخِرَ إِلاَّ بِصَلِيبِ رَبِّنَا يَسُوعَ الْمَسِيحِ، الَّذِي بِهِ قَدْ صُلِبَ الْعَالَمُ لِي وَأَنَا لِلْعَالَمِ.””
أما الحكاية بتاعتنا النهاردة فَ هي حكاية جميلة 😍
راح أخ يزور أحد الآباء الشيوخ وقاله ماذا ينبغي أن افعل لكي اخلُص؟
فَ فُوجئ بهذا الأب بيخلع الجلابية بتاعته وبيشدّ حزام على وسطه يُمنطق حقاويه يعني .. وراح فجأة فتح ايديه وعمل كدا هُوه 🫱🏻 🫲🏻 وقاله هكذا ينبغي ان تفعل لكي تخلُص .. على الراهب انه يخلع عنه كل اهتمام باطل بشهوات العالم زي ما خلعت هدومي وانه هو كَرياضي شادد حقاويه للحرب ويرفع ايديه بمِثال الصليب ✝️ هكذا تعلمنا من سيدنا .. بهذا نُحارِب وهكذا نُعطَى النصرة 😇💪🏻
الأب دا ادى درس جميل لهذا الأخ بس مش للأخ لوحده .. لِنا احنا كمان .. عايز تنتصر عِش مصلوب للعالم والعالم مصلوب لِك 🌍✝️ زي ما بتقول الآية .. يعني ننكر اي شهوات للعالم ونخلعها زي ما الراهب دا خلع جلابيته ونرفع ايدينا منصوبة في الصلاة على مثال المسيح المصلوب و ربنا بيُأكد انه هو يعطينا النصرة 🥰💪🏻
ربنا يمتعنا كلنا بالنصرة التي في الصليب ولإلهنا كل مجد وكرامة إلى الأبد. آمين.”
