“الحلقة السابعة “”الروح القدس1″”
بسم الآب والابن والروح القدُس الله الواحد آمين.
أهلًا بِكم يا أحبائي 🥰👋🏻 في حلقة جديدة من برنامجنا “”آية وحكاية”” وبمناسبة ان احنا بنستعد لاستقبال عيد حلول الروح القدس 🕊️🔥 فَ عندنا مجموعة حلقات عن الروح القدُس🥰 وعمله فينا واحتياجنا إليه 🕊️ ودي الحلقة الأولى☝🏻 منهم وعنوانها “”احتياجنا للروح القدُس”” 🕊️
الآية بتاعتنا النهاردة من رومية8: 9
وبتقولنا:
“”… إِنْ كَانَ أَحَدٌ لَيْسَ لَهُ رُوحُ الْمَسِيحِ، فَذلِكَ لَيْسَ لَهُ.””
إن كان أَحَدٌ ليس له روح المسيح 🕊️ فذلك ليس له .. يعني لو واحد معندوش الروح القدُس يبقي معندوش المسيح
دا بيأكدلنا أهمية ان احنا نصلي بلجاجة نطلب ان احنا يكون لنا هذا الروح يملأنا في داخلنا ❤🔥
القديس أنبا مقار من أكتر القديسين اللي اتكلموا عن الروح القدُس 🕊️ في العظات بتاعته واعتاد انه يقول لو كان حد عُريان لقله “”الملابس الإلهية السمائية”” 🥰 ✨ و دا كان مصطلح هو بيستخدمه عن “”قوة الروح القدُس”” 🕊️ .. اللي هي الملابس الإلهية السمائية .. ف بيقول لو حد مننا عُريان بسبب ان اللي عنده قليل من الملابس الإلهية السمائية .. يعني الروح القدُس مش ماليه .. يبكي ويتوسل إلى الرب 🥺🙏🏻 حتى ينال التوب الروحاني من السماء ويأخُذ غطاء لنفسه العارية لأن الإنسان اللي مش هيكتسي بكساء الروح هتكسوا الأهواء الشريرة، ايه الأهواء الشريرة دي؟ الخطايا اللي زي الذات والكبرياء والنهم والغضب والنميمة والإدانة، فَ اللي مش هيكتسي بالروح هيكتسي بالأهواء
الحكاية بتاعتنا ان واحد من تلاميذ القديس أنبا مقار اسمه الأنبا صرابامون بيقول عن خبرتهم الشخصية في علاقتهم بالقديس أنبا مقار بيقول ايه؟ لما كنا نروح نقابل القديس أنبا مقار .. من غير ما نكون بنقوله كلمة واحده❗.. كان بيعرف كل اللي جوانا لأنه كان لابسًا للروح
ودا التعبير والمصطلح اللي الكنيسة ⛪ بتلقب بيه القديس أنبا مقار بتقول عليه “”ابنڤماتوفورس”” ابنڤماتوفورس يعني المتوشح بالروح القدُس ..
فَ بيقول عنه أنبا صرابامون تلميذه كان فيه روح نبوي زي اللي كان في إيليا 🔥 وسائر الأنبياء لأنه كان متسربلًا بالتواضع، كان لابس التواضع زي الثوب عشان كدا كان بيرتدي الروح القدُس
وبيقول خبرة جميلة 🥰 احنا ساعات بنحسها تجاه رجال الله المملوئين من الروح القدُس ❤🔥 بيقول لما كنا بنبقى في محضره مجرد رؤيتنا لِه نشوف انه مملوء من نعمة الله 😍✨ المُضيئة ومجد الرب على وجهه كانت تعزية الروح القدُس تملأنا كلنا احنا اللي حواليه ..
قد ايه احنا محتاجين نلبس الروح القدُس زي التوب عشان منبقاش عريانين ولا تكسونا الأهواء الشريرة وعلينا ان احنا نطلبه من الله بلجاجة بتواضع بانسحاق قلب بصلوات كثيرة عشان يملأنا ومَنُبقاش عندنا عوز لهذة الملابس الإلهية ولإلهنا كل مجد وكرامة إلى الأبد. آمين.🙏🏻”
