“الحلقة الثامنة “”الروح القدس2″”
بسم الآب والابن والروح القدُس الله الواحد آمين.
أهلًا بِكم يا أحباء ❤️👋🏻 في حلقة جديدة من سلسلة “”آية وحكاية”” ومجموعة الحلقات بتاعتنا اللي عن “”الروح القدُس”” والنهاردة الحلقة التانية 😍✌🏻 بعنوان “”الروح القدُس نار للتطهير””🔥
الآية بتاعتنا النهاردة من الرسالة الأولى لأهل كورنثوس اصحاح 6 والآية 11 بتقول كدا
وَهكَذَا كَانَ أُنَاسٌ مِنْكُمْ. لكِنِ اغْتَسَلْتُمْ، بَلْ تَقَدَّسْتُمْ، بَلْ تَبَرَّرْتُمْ بِاسْمِ الرَّبِّ يَسُوعَ وَبِرُوحِ إِلهِنَا.
يعني ايه كان أُنَاس منكم؟
يعني كان بيحكي عن حاجات شريرة خطايا شريرة غضب وزنا ونجاسة وطمع وشهوة
وبيقول كدا كانوا ناس زييكم كدا كانوا فيهم كل الصفات دي لكن حالهم اتغير
اغتسلوا وتقدسوا وتبرروا باسم يسوع وبالروح القدُس🕊️🤍✨
عشان كدا احنا بنقول عن الروح القدُس انه نار بتطهرنا🔥
القديس أنبا مقار في العظة الرابعة بتاعته بيشبّه نفوسنا بالمعادن 💎.. يعني فيه مِننا دهب.. فيه مننا حديد.. وفيه مننا فضة.. وفيه مننا رصاص
لكن الشئ المشترك ان النار 🔥 بتقدر تطهّر كل المعادن دي لو اتحطت المعادن دي في النار لوقت كافي 🔥⌚ .. بيحصل فيها حاجتين: بتتنقى من الشوائب اللي فيها والطبيعة بتاعتها بتبقى طبيعة لينه بتنصهر .. بدل ما كانت هي طبيعتها صلبة ..
فَ القديس أنبا مقار بيقولنا ايه؟ هكذا النفس التي تُنكر محبة العالم 🌍🚶🏻♂️ وتُثبّت اشتياقها نحو الرب🤩🛐☦️✨ وحده بأمانة وتدقيق وجهاد وتنتظر الرب برجاء وإيمان .. تنال النار الإلهية السماوية 🔥 .. نار اللاهوت 🔥 .. فتتطهّر من عاداتها القديمة الشريرة وتتغيّر طبيعتها الصلبة.
يارب قد ايه احنا محتاجين للنار الإلهية دي تشتعل فينا 🔥❤🔥
قد ايه محتاجينها يارب انها تطهر نفوسنا وقد ايه محتاجينها انها تغيّر طبيعتنا القاسية لطبيعة لينه ..
افتكروا ان: بل تقدستم بل تبررتم باسم الرب يسوع وبروح إلهنا ..
الروح القدُس نار للتطهير 🔥 ولإلهنا كل مجد وكرامة إلى الأبد. آمين.”
