“الحلقة الحادية عشر “”الروح القدس5″”
بسم الآب والابن والروح القدُس الله الواحد آمين.
أهلًا بِكم 🥰 في حلقة جديدة من برنامجنا “”آية وحكاية”” ومازلنا في سلسلة حلقات عن “”الروح القدُس”” وحلقتنا النهاردة بعنوان “”الروح القدُس المصباح الإلهي””💡
الآية بتاعتنا النهاردة في إنجيل القديس لوقا اصحاح 15 بتقولنا كدا
و أَيَّةُ امْرَأَةٍ لَهَا عَشْرَةُ دَرَاهِمَ، إِنْ أَضَاعَتْ دِرْهَمًا وَاحِدًا، أَلاَ تُوقِدُ سِرَاجًا وَتَكْنُسُ الْبَيْتَ وَتُفَتِّشُ بِاجْتِهَادٍ حَتَّى تَجِدَهُ؟
احنا طبعًا عارفين المثل دا كويس اوي بتاع الدرهم المفقود واللي ربنا قال فيه ان فيه امرأة وكان ليها عشرة دراهم وفيه درهم ضاع وراحت منورة المصباح💡 وقعدت تكنس 🧹 وتفتش باجتهاد على هذا الدرهم لحد ما لقيته
القديس أنبا مقار في العظة رقم 11 يشوف ان المصباح 💡 دا كان اشارة للروح القدُس 🕊️✨ ويقول عن الروح القدُس ان هو المصباح الإلهي
بيقولنا ايه القديس أنبا مقار؟
بيقول زي ما المرأة اللي اضاعت الدرهم 🪙 ملقيتوش ومبدأتش تكنس وتفتش إلا بعدما نورت المصباح ☝🏻💡وساعتها لقيت الدرهم مدفون في التراب وخدته ونضفته هكذا النفس لا تستطيع من ذاتها أن تُمييز أفكارها أو تُدرك ما ضاع منها إلا حينما تُوقد المصباح الإلهي الذي يُنير بيت النفس المُظلم 🕊️💡🌚🏡
يعني لازم نطلب روح ربنا انه يملانا لأن من غير ما روح ربنا يملانا مش هنعرف نلاقي نفسنا .. مش هنعرف نمييز أفكارنا .. مش هنعرف نُدرك ايه اللي ضاع مننا ونعرف نسترجعه مرة اخرى
بيقول بذلك ترى النفس أفكارها وكيف كانت مدفونه في وحل ودنس الخطية وحالًا تسترد ما فُقِد منها
ايه اللي فُقِد منها؟ يقول صورة الابن التي كانت مطبوعة عليها قبل سقوطها ..
قد ايه الروح القدُس جميل 🕊️🥰 وقد ايه احنا محتاجينه عشان ينور قلوبنا 💖 يخلينا نلاقي اللي ضاع مننا ونعرف نميز أفكارنا وﻹلهنا كل مجد وكرامة إلى الأبد. آمين.😍🙏🏻”
