fbpx
Search
Close this search box.

مش فاهم بيحصل معايا كدة ليه؟

تأملات في سفر التثنية “الأصحاح الثامن و العشرون”الجزء الثاني

اتكلمنا عن الجزء الأول من الأصحاح وايه البركة اللي ببقى عايش فيها وانا بطيع الوصية، وازاى الوصية بتأمينلي دخولي وخروجي ومستقبلي واحتياجاتي اليومية وبكون ازاي شخص بركة للي حوليا ومثمر في كل حاجة بعملها، وعايش حياة النصرة وبكون دايمًا في ارتفاع مش في انحطاط، بتتفتح عليا البركات السماوية وبستمتع بملء الروح القدس، وبكون دايمًا في تبعية لشخص الرب يسوع مش تابع للبشر

النهاردة في الجزء التاني من الأصحاح هيرد علي أمور كتير بتحصل في حياتي، وببقي مش عارف انا بيحصل معايا ليه كدة؟!
بيتكلم عن ايه اللي بيحصلي بسببي تركي للوصية، طريق الحياة، وعدم سماع صوت الله جوايا من أجل قداستي واتحادي بيه

+(ع 16): بكون مش شاعر ببركة في اي مكان انا فيه وحاسس ان كل مكان بروحه بفشل

+(ع17): مفيش بركة في اى حاجة بسعي فيها، او اى فلوس بمسكها فى ايدي، او اي حاجة بخزنها

+(ع 18): مفيش ثمر في حياتي، وحياتي باردة،وشخص عاقر روحيًا،ويمكن تكون كمان باثر سلبي على اللي حوليا

+(ع 19) مفيش أمان في دخولي وخروجي واى مشوار بعمله

+(ع 20): حاسس باضطراب في كل حاجة بعملها، ومش راضي عن اى عمل بعمله، وحاسس ان لو كنت في مكان تاني كانت حياتي هتبقى افضل

+(ع 21، 22، 27، 35) أوبئة وأمراض

+(ع 23): مش حاسس بأن ربنا موجود وسامعني، وكأن السماء بقيت نحاس، وصلواتي بترجعلي تاني مش بتوصل لربنا ومش شاعر بأي استجابات

+(ع 25): حاسس علطول انى مكسور ومهزوم، ومش قادر اقف ولا احارب، علطول الخطية موقعاني، ومخلياني قلقان وخايف وحاسس ان مرذول، مش قادر اقف واوجه واقدم توبة واكمل

+(ع 28، 29): تايه وحيران وقلبي مضطرب ومش شايف حاجة ومش شايف اى بركة ولا تعزية في الطريق، والأمور الواضحة واللي ممكن اللي حوليا عمالين يقولولي انت كويس انت حياتك مميزة في بركة في حياتك، في نجاح، ببقى مش قادر اشوف اللي هما شايفينه، حاسس بالفشل محاوطني ومش قادر اشوف غير كدة، فكل طرقي بفشل فيها

+(ع 30): استباحة الزنى والخطية، مش بشعر انها خطية، وايه يعني لو في علاقات قبل الجواز، وايه المشكلة لما اتفرج على حاجات، لما امارس عادة طول مانا مش بضر حد

+(ع 30–33، 38 – 42): كل حاجة بتعملها شخص تاني بيستمتع بيها، زرعك مش ليك، شغلك ومجهودك بيسرقه حد تاني

يُتبع

+(ع 36، 37، 48 – 53): تكون مسبي لإبليس،وتعبد كل حاجة هو عايزك تعبدها،موبايل، شات،علاقات،جنس،فلوس،شكلية في العبادة،اشخاص معينة،صاحب شغل،مواقع،كل خطايا اللسان،خطايا الفكر،حسد وغيرة وتقلل من غيرك عشان تبان انت،يفضل مخليك طول الوقت عايش في عوز وعطش،يكسر كل الأسوار اللي انا محتمي فيها،بيكسر كل الوعود اللي انا ماسك فيها ومتسند عليها

+(ع 43): عايش طول الوقت متنازل، بتتنازل عن (الحق،العفة،التمسك بالحرية،عن القداسة،اجتماع الخدمة،وقفة الصلاة،لقداس،سلوك وفكر المسيح،عن طهارة الفكر والقلب والكلام)

+(ع 44): بيخلينا نعيش طول الوقت على اللي بيدهوني اللي قدامي، مستني الناس تحبني،شخص يهتم بيا،مستني تشجيع،حضن وطبطبة،بنسيب ينبوع الماء الحي ونحفر لنفسنا آبار مشققة، مش قادرين نكون احنا مليانين وبنفيض على اللي حولينا، لأن مفصولين عن منبع الشبع الحقيقي

+(ع 44): بكون عايش تابع طول الوقت، مش عايش حياتي ولا دعوتي الخاصة، لكن بدور على اى شخصية بتعجبني واحاول اعيش حياتها، او اسمع اى راي واعيشه وامشي وراه، معنديش قاعدتي الخاصة مع ربنا، ولا صلاتي الخاصة اللي بطلب منها دايمًا ان يسلمني رسالتي، لكن بحاول اعيش في قالب شخص تاني

+(ع 54، 57): بتتقفل أحشاء الرحمة جواك، ومنقدرش نحس بالآخر وباحتياجه، بنبخل على بعض بوقتنا، ومساعدتنا، وتشديدنا لبعض، وبالكلمة الحلوة المُشجعة، بوقت صلاة ممكن تقضيه مع شخص تشبع نفسه المضطربة بيه

+(65): عدم الاحساس باي اطمئنان ولا استقرار وخطواتنا مش بتثبت في الطريق، قلوبنا بتبقي متزعزعة ومش واثقين باى قرار بناخده ولا اي خطوة بنمشيها،ولا ثبات واستقرار في اى علاقة مع اللي حولينا، نفوسنا بتذبل،شغفنا بيقل،بتبقى الحياة مقفولة قدامنا،مستنين الايام تعدي وتخلص، وخايف من بدايات الايام ومن نهاياتها، ومفيش اي استمتاع ولا فرح باليوم وبالحياة

كل واحد فينا لو في بعض الأمور دي موجودة في حياته، محتاج يراجع حياته على ضوء الوصية، محتاجين نراجع علاقتنا بالكلمة، ومدى قبولنا وخضوعنا ليها، هل قادرين نفهم انها مصدر حياتنا وسلامنا وتغييرنا واستقرارنا وبركتنا، ولا حاسين دايما انها قانون تقيل علينا، مش قادرين نعيشه، وان كفاية نقراها ككلام او كمعلومات، او نرفضها ونعترض عليها

شارك المقال مع أصحابك

اكتشف المزيد

Take Away
Rakoty CYCS

الحلقة الثانية عشر: الفنان الصالح

“لحلقة الثانية عشر “”الفنان الصالح”” بسم الآب والابن والروح القدُس الله الواحد آمين.أهلًا بِكم يا أحبائي 🥰👋🏻 في حلقة جديدة من برنامجنا “”آية وحكاية”” وعنوان

Take Away
Rakoty CYCS

الحلقة الحادية عشر: الروح القدس 5

“الحلقة الحادية عشر “”الروح القدس5″” بسم الآب والابن والروح القدُس الله الواحد آمين.أهلًا بِكم 🥰 في حلقة جديدة من برنامجنا “”آية وحكاية”” ومازلنا في سلسلة

Take Away
Rakoty CYCS

الحلقة العاشرة: الروح القدس 4

“الحلقة العاشرة “”الروح القدس4″” بسم الآب والابن والروح القدُس الله الواحد آمين.أهلًا بِكم يا أحباء ❤️👋🏻 في حلقة جديدة من برنامجنا “”آية وحكاية”” ولازلنا في

شوف اخر الكورسات